التخطيط

السلام عليكم ورحمة الله وبركاته

والسؤال ده صعب فعلا وهنلاقينا بنجاهد ألف نيه فاسدة ولا نملك غير إننا ندعي ربنا يصلح نوايانا 

المهم قررت بعض النقاط :
1- إني محتاجة اخصص جزء من دعائى إن ربنا يصلح نيتي في تربية ابني 
2- إنى محتاجة أدعي لابني إن ربنا يعيني على تربيته لإن عمر ما هيكون ذكائي ولا تعبي ولا المناهج الي بستخدمها هي السبب إن ابني يكون متميز ...توفيق ربنا قبل وبعد كل شىء ...وكل الى بخططه وبعمله مجرد أسباب 
3- أن تربية طفل سوي نفسيا وغرس العقيدة فى قلبه أولى أولوياتي وبعدهم أى شىء أخر 
(إنسان سوي نفسيا على خلق ودين أفضل كثير من إنسان معقد أخلاقه سيئة وعقيدته فاسده وإن كان ذو مال وعلم ومنصب )
4- إبنى ده مشروع حياتي والاستثمار الحقيقي فيها وهو استثمار باقي لبعد موتي وانقطاع عملي إلا من دعاؤه 

ربنا يصلح نوايانا جميعا 

الإنتقال من مرحلة التشتت لمرحلة البدء بمنهجية محتاج عدة خطوات

1) القرار : محتاجة تاخدي قرار إنك هتقدري :) وإنك هتبدأي فورا بدون تسويف :) 

2) النوايا : تحددي سبب رغبتك الفعلية  في التعليم المبكر  أو المنزلي رغم صعوبته

حبك الفطري لابنك ورغبتك في تميزه غير كافية زودي نوايا صالحة وارفعي همتك

إنتي في كل الأحوال هتتعبي :) فاحِرصي إن يكون تعبك في ميزان حسناتك

النية الصالحة وحسن التوكل على الله سبب مهم جدا من أسباب النجاح

3) التخطيط

 التخطيط الجيد أساس مهم لكل مشروع ناجح

ولكن ممكن يكون وسيلة  ممتازة لتضييع الوقت ويستمر إلى مالا نهاية بدون بداية على الإطلاق :) ولتجنب التشتت التخطيط هيحتاج 3 خطوات 

* تحديد المجالات : المجالات بتختلف كتقسيمة من منتسورى عن الدكاءات المتعددة عن غيرها من المناهج ولكن فى المجمل المحتوى متقارب  

من الممكن الإعتماد على تقسيمة منهج معين او عمل تقسيمتك الخاصة

في إختيار المجالات دمجت بين تقسيم منتسورى وتقسيمة الذكاءات المتعددة مع بعض التعديل لأخرج ب8 مجالات

1- المجال الديني
2- المجال اللغوي (الذكاء اللغوي)
3- المجال الحركي (الذكاء الحركي )
4- المجال الرياضي (الذكاء المنطقي الرياضي)
5-المجال الحسي (الذكاء البصري-الموسيقي )
6-المهارات الحياتية (الذكاء العاطفي بنوعيه الإجتماعي والذاتي )
7-المجال العلمي ويدخل فيه (الذذكاء الطبيعي او البيئي )
8- المجال الإبداعي
+ المجال النفسي التربوي

* تحديد أهداف في كل مجال

(يستلزم أولا معرفة مستوى ابنك الحالي في كل مجال وثانيا معرفة المطلوب تعليمه في كل مجال)

أكثر أسئلة الأمهات في الجروبات الخاصة بالتعليم ((ابني عمره .... المفروض اعلمه ايه دلوقتي ؟؟))

وبصرف النظر إن مفيش مفروض لوجود فروق فردية بين الأطفال فيمكن معرفة المطلوب تعليمه للطفل عن طريق

# إما مناهج وكتب تقييم للطفل مثل نماء بورتاج  

# وإماعن طريق الإستفادة من خبرات شخصية سواء على النت او فى الواقع (وتقومي بالتعديل بالحدف أو الإضافة حسب طفلك ) وهي طريقة أسهل لمن لا تجيد التخطيط أو تمل منه وتتشتت

# وإما عن طريق معرفة الخطوط العريضة المطلوب الطفل يعرفها كعناوين دروس (من بعض المواقع والمدونات أو

طريق المناهج الدراسية للدول المختلفة إبتداء من رياض الأطفال للثانوي )

* تحديد وسائل لتحقيق الأهداف والمقصود بيها اللعب  الانشطة الفيديوهات القصص الكتب وغيرها

وتحديدها بيتم حسب

4) تنظيم مصادر : تنظيم المصادر بيحقق أعلى استفادة منها النت غني جدا بالمصادر وكمية المصادر والأفكار التى يتم نشرها على صفحات الفيس لا حصر لها

جروب** جروب خاص على الفيس لتجميع المصادر الخاصة بكل مجال فى البومات

الخطه فى ملفات

5)التقييم والتعديل

كشكول** كشكول التقييم ----وكشكول التلخيص...وورقة بالخطة الحاليةش

التدوينات القادمة هتتناول المجالات الي اخترتها للبداية وكل مجال إيه الخطوط العريضة المطلوب الطفل يتعلمها

التدوينات هتكون خاصة للأطفال من 2:1 او قد تمتد 2 ونص او 3 حسب استجابة الطفل 

نصيحة :) 

Dr.R.Sadek

أم البراء