إحتياجات المولود الجديد ...الجزء التاني

تكملة إحتياجات المولود الجديد 

3- أدوات عناية ومستحضرات 

طبية :-  ترمومتر - شفاط انف (مهم فى الشتاء) - كريم لتغير الحفاض (زنك اوليف )

       -أدوية هيكتبها الدكتور (كحول للتغير على السرة - قطرة للعين - نقط للمغص -      ماسك للسره -قطن للغيار على السرة- اعشاب ولا تفضل مع الرضاعة الطبيعي   )

  وطبعا الحفاضات 

خاصة بالشاور :  شامبو - بلسم (مش ضرورى فى الاول) - شاورجيل او صابونه اطفال - لوفه ( عبارة عن اسفنجه او فوطة صغيره )

بانيو وسفنجة حمام (يمكن الاستغناء عنهم بطبق صغير وفوطة كبيرة توضع فى الطبق حتى تمنع تزحلق الطفل )

خاصة بنظافته والعناية به : فرشاة شعر ومشط - قصافة

- لوشن للجسم أو بيبى أويل للترطيب والتعطير 

- بودرة تلك لو هتستخدميها 
-مناديل مبلله لاستخدامها فى الغيار خارج المنزل

 يراعى إن الفرشاه يكون شعرها ناعم والمشط اخره دوائر حتى لا يجرح راس البيبى 

خاصة بالرضاعة :  (وده للى هترضع صناعي) 

(سكاتة لو هتستخدميها ولا تفضل مع الرضاعة الطبيعى خصوصا فى الاول - ببرونتين - فرشاة تنظيف ببرونه - ترمس - حافظه للبرونه ) وفى طبعا اجهزة للتسخين والتعقيم للى عاوز يشتريها .

*يراعى فى السكاتة : حجمها صغير - نوعها جيد- يفضل سليكون لونها ابيض - يفضل الى بتتقفل لمنع التلوث - ويفضل الحلمة المشطوفة )

* لو الأم بترضع طبيعي جنب الصناعي بتظهر مشكلة ان البيبى بيلاقى الببرونة اسهل و اسرع ف الرضاعة ف يحبها و يسيب صدر الام فيفضل استخدام حلمات الببرونه الشبيهة بثدى الأم لتفادي المشكلة 

لعب 

================================

4- أثاث وكماليات أخرى 

والقسم ده ممكن الاستغناء عنه كاملا أو شراء بعضه حسب احتياجاتك 

*سرير للبيبى 

* عربية للبيى 

* كارسيت (كرسى سيارة) 

* المشاية 

* كرسى الطعام 

** بخصوص السرير في ناس كثير اشتريته ومستخدمتوش إلا بعد عده اشهر لما الطفل كبر وخصوصا الى بيرضعوا طبيعى لإن كل ساعتين بتشيل الطفل من السرير للرضاعة فبتستهل يكون جنبها فاظن أنسب السراير فى الفترة الأولى السرير المتصل بسرير الأم 

يعنى جانب منه بيتفك ويلزق فى سرير الأم فيبقى اشبه بالكنبه زى كده 

وده موضوع مفصل عن أهم الشروط الى يجب مراعاتها عند الشراء وعيوب ومزايا كل منها ومدى نفعه من عدمه 

http://forums.fatakat.com/thread3871166

================================

5- تجهيز مكان لنومه ومستلزماته

* لو هتجهزى أوضه (وإن كان مش هيستخدمها قبل سنه او اتنين ) فابدأى بتجهيزها واختيار ألوانها وترتيبها 

* لو الطفل هيكون معاكى فى الأوضة 

-حضري مكان نومه سواء سرير منفصل او مكان متصل بسريرك

 وفى كل الأحوال متنسيش الناموسية حتى لو الطفل هينام جنبك على السرير 

-حضري مكان لهدومه سواء متصل بسريره أو ضلفه فى دولابك 

- حضري مكان تجمعي فيه أدوات الغيار كلها عشان تكون سهلة عليكى 

والفكرة دى تحفة تجمع بين كونها مشمع للغيار ومكان لتجميع ادوات الغيارو يسهل وضعها فى شنطة البيبى عند الخروج 

- لاحظى إن ملابس الطفل كثيرة وقطع صغيرة جدا فحاولى تنظميها بطريقة يسهل الوصول لها عن طريق التنظيم فى علب أو أى طريقة تريحك 

وده موضوع عن ترتيب بعض اغراض الطفل 
استقبال مولود جديد 

ودى مجموعة موضوعات لو بتوفرى وهتعملى بعض المستلزمات بايدك

حصرياااا طريقه تبطين سرير البيبى وتنجيد المررتبه للببيى (:

كيفية عمل اللعب اللى تعلق على سرير البيبى لعمل سرير متنقل بجانب مكان نوم هღ♥ ღ `°؛؛تحويل سبت قديم لمهد مولود جديدღ♥ ღ `°؛؛ وممكن عمل مرتبة بناموسية كسرير متنقل